Rimbursimi i kesteve te parapaguara te tatim-fitimit

Administrata Tatimore bën me dije se ka marrë të gjitha masat e nevojshme për të siguruar rimbursimin e shumave të parapaguara si këste paraprake të Tatimit të Thjeshtuar mbi Fitimin apo Tatimit mbi Fitimin për vitin 2024 brenda 30 dhjetorit 2024, në zbatim të Aktit Normativ nr. 4, datë 27.11.2024, “Për një shtesë në ligjin nr.29/2023, “Për Tatimin mbi të Ardhurat”, të ndryshuar.

Rimbursimi i shumave të paguara për tatimpaguesit, që ofrojnë shërbime profesionale (me të ardhura bruto deri në 14 milionë lekë) do të kryhet në llogaritë e tyre bankare. Është shumë e rëndsishme që tatimpaguesit, subjekt i këtij akti ligjor të kenë llogari bankare aktive në një nga bankat e nivelit të dytë, në monedhën Lek.