02 Apr Procedura online e aplikimit per ndihmen financiare per bizneset e vogla
Udhëzues praktik për mënyrën e aplikimit për Përfitim të ndihmës financiare, sipas VKM nr.254 datë 27.03.2020
Na kontaktoni
Aplikimi kryhet nga subjektet të cilët plotësojnë kushtet sipas VKM 254 datë 27.03.2020, të cilët janë:
- Gjate vitit 2019 të kenë realizuar të ardhura deri në 14 milionë lekë,
- Të kenë ndërprerë aktivitetin në zbatim të Urdhrave të Ministrit së Shëndetësisë dhe Mbrojtjes Sociale (MSHMS), të dala për këtë qëllim, si dhe
- Duhet të kenë përgjegjësi tatimore për tatimin e thjeshtuar mbi fitimin ose tatimin mbi fitimin
Ju njohim me hapat që duhet të ndiqni për plotësimin e Formularit për përfitim të ndihmës financiare:
- Logohuni në llogarinë tuaj të deklarimit elektronik e-filing, duke vendosur Emrin e Perdoruesit dhe Fjalëkalimin
- Pozicionohuni ne menunë E-filing Im, dhe zgjidhni nënmenu Çështjet e mia
- Zgjidhni rubriken Krijo Çështje
- Në dritaren që do t’ju shfaqet në ekran zgjidhni Kërkesë për përfitim në ndihmës financiare
- Plotësoni periudhën për të cilën po aplikoni, në kutizën Periudha
- Në këtë moment duke klikuar në butonin Shfaq per ndryshim, ju mund të filloni me plotësimin e formularit
- Formulari që do t’ju shfaqet në ekran do të ketë të paraplotësuar, të dhënat e përgjithshme të subjektit tuaj, emrat dhe ID e punonjësve që potencialisht do të jenë përfitues të ndihmës financiare, dhe ju duhet të plotësoni saktë, si të dhëna te detyrueshme për t’u plotësuar në bazë të VKM nr.254, datë 27.03.2020 :
- Nr. Telefoni subjekti,
- email subjekti,
- IBAN të secilit individ përfitues
- Nr. Telefonit dhe adresen email të secilit individ përfitues
- Emrin e bankës, për secilin individ përfitues, ju mund ta zgjidhni nga lista që ju shfaqet duke klikuar mbi kutizën Banka;
- Kutizen opsionale “Deklarimi dhe pagesa e sigurimeve shoqërore e shendetësore do të bëhet nga tatimpaguesi për këtë periudhë”
- Është shumë i rëndësishëm plotësimi i rubrikës “Deklarimi dhe pagesa e sigurimeve shoqërore e shendetësore do të bëhet nga tatimpaguesi për këtë periudhë”:
- Nëse zgjidhni“Jam Dakort”, ju do të vijoni të dorëzoni listëpagesën për secilin muaj, në formën që aktualisht e dorëzoni atë. Afati i deklarimit dhe pagesës së kontributeve shoqërore dhe TAP nuk ndryshojnë.
- Nëse zgjidhni “Nuk jam dakort”, ju do të keni mundësi të deklaroni listëpagesën “Pa aktivitet” për periudhat në vijim, pa i larguar punonjësit me Formular E-sig/027. Afati i deklarimit të listëpagsesës nuk ndryshon.
