04 Dec Administrata Tatimore
Administrata Tatimore informon të gjithë tatimpaguesit që kanë qenë të regjistruar pranë saj për përgjegjësinë tatimore të Akcizës se : Sipas VKM nr. 655, datë 31.10.2018, “Për disa ndryshime dhe shtesa në vendimin nr. 612, datë 5.9.2012, të Këshillit të Ministrave, “Për dispozitat zbatuese të ligjit “Për akcizat në Republikën e Shqipërisë‟, të ndryshuar”” në Fletoren Zyrtare nr. 157-2018 të datës 7 nëntor 2018: Të gjithë tatimpaguesit, subjekt të Akcizës, të cilët në datën 1 tetor 2012 kanë qenë në proces kontrolli nga Administrata Tatimore për rimbursimin e Akcizës duhet t’i drejtohen Drejtorisë së Përgjithshme të Doganave për të marrë rimbursimin. Gjithashtu edhe subjektet që kanë plotësuar kërkesën për rimbursimin e Akcizës për periudhën para datës 1 tetor 2012 dhe kanë vijuar procedurat e kërkimit dhe të marrjes së shumës së pretenduar për rimbursim tek administrata tatimore, dhe u është njohur kjo e drejtë duhet t’i drejtohen administratës doganore për të marrë rimbursimin. Kërkesës duhet t’i bashkëlidhet edhe dokumentacioni i konfirmimit të njohjes së rimbursimit nga ana e Administratës Tatimore. Theksojmë se, ky proces përfundon brenda 6 muajve, nga hyrja në fuqi e këtij vendimi. Gjithashtu, ju bëjmë me dije se, të gjitha detyrimet e papaguara të Akcizës, të periudhës pas vitit 2010, si dhe për borxhet që mund të lindin pas datës 1 tetor 2012 kalojnë në ndjekje të administratës doganore.
